Կամքի ուժը հմտություն է, ոչ թե բնավորության գիծ։

Հայտնի «մարշմելոուի փորձի» ժամանակ երեխաներին ընտրության հնարավորություն տրվեց՝ անմիջապես ուտել մեկ մարշմելոու կամ սպասել 15 րոպե և ստանալ երկուսը: Նրանք, ովքեր կարողացել են սպասել երկրորդ մարշմելոուին, ավելի բարձր նվաճումներ են ցույց տվել հասուն տարիքում։

Հետաքրքիր է, որ ինքնատիրապետման զարգացումը սերտորեն կապված է սովորությունների ձևավորման հետ: Հետազոտությունները ցույց են տվել, որ ինքնատիրապետման բարձր մակարդակ ունեցող մարդիկ իրականում ավելի քիչ են հակված առօրյա կյանքում կամքի ուժ կիրառելու: Փոխարենը, նրանք ստեղծում են առողջ սովորություններ և բարենպաստ միջավայր, որն ինքնաբերաբար աջակցում է նրանց նպատակներին:

Ինքնատիրապետման վրա ազդող գործոններ։

 → Սթրես. նույնիսկ թույլ սթրեսը կարող է նվազեցնել ինքնատիրապետումը: Սթրեսի մեջ գտնվող ուսանողներն ավելի հաճախ են ընտրում անառողջ սնունդ, ​​նույնիսկ եթե գիտեն դրա վնասի մասին։

→ Քուն. նույնիսկ մեկ գիշերվա վատ քունը նվազեցնում է ինքնատիրապետումը 30%-ով:

→ Սնունդ. օմեգա-3 ճարպաթթուներով հարուստ սննդակարգը բարելավում է կապերը ուղեղի այն մասերի միջև, որոնք պատասխանատու են կամքի ուժի համար: Ճապոնիայում ուսանողներն ավանդաբար սև շոկոլադ են ուտում քննություններից առաջ․ այն բարելավում է կոգնիտիվ ֆունկցիաները և ինքնատիրապետումը ֆլավոնոիդների շնորհիվ:

Ինչպե՞ս զարգացնել կամքի ուժը։

→ Կոգնիտիվ վերաիմաստավորման տեխնիկա․

«Ես չեմ կարող ուտել այս աղանդերը, քանի որ դիետա եմ պահում» մտածելու փոխարեն (ինչն առաջացնում է զրկանքների զգացում) փորձեք իրավիճակը վերափոխել այսպես՝ «Ես ընտրում եմ չուտել այս աղանդերը, քանի որ մտածում եմ իմ առողջության մասին» ( որն ընդգծում է Ձեր ակտիվ դերը և դրական մոտիվացիան):

→ Հաճույքի հետաձգման մեթոդ․

Եթե ​​աշխատանքի ընթացքում սոցցանցերը ստուգելու ցանկություն եք զգում, խոսք տվեք ինքներդ Ձեզ սպասել 10 րոպե: Հաճախ այս ընթացքում իմպուլսը թուլանում է, և դուք կարող եք շարունակել աշխատել։ Այս հետաձգումը օգնում է կոտրել իմպուլսի և գործողության միջև ավտոմատ կապը:

→ «Աբստրակտ պատկերացման» տեխնիկա․

Տեխնիկայի էությունն այն է, որ պատկերացնենք ցանկալի օբյեկտը վերացական, ոչ թե կոնկրետ: Պիցցայի հյութալի, անուշաբույր կտորի մասին մտածելու փոխարեն (կոնկրետ տեսարան) մտածեք պիցցայի մասին որպես պարզապես կալորիայի աղբյուր կամ խմորի շրջանակ՝ լցոնումներով (վերացական տեսք): Հետազոտությունները ցույց են տալիս, որ դա նվազեցնում է թիրախի գրավչությունը և մեծացնում ինքնատիրապետումը: