Էներգիան նոր արժույթ է։ Արդյունավետությունը, տրամադրությունը և, ընդհանուր առմամբ, բարեկեցությունը կախված են դրա մակարդակից։ Դուք կարող եք այն արագ վատնել, բայց վերականգնելն այնքան էլ հեշտ չէ։
10 խորհուրդ, թե ինչպես վերադառնալ արդյունավետ վիճակին.
Առնվազն 30 րոպե անցկացրեք լռության մեջ.
Եթե դուք մեդիտացիայի կողմնակից չեք, փորձեք ժամանակ անցկացնել լռության մեջ։ Գտեք Ձեզ համար հարմարավետ դիրք, անջատեք բոլոր սարքավորումներն ու հեռացրեք բոլոր շեղող գործոնները: Ավելի լավ է չզբաղվել ռեֆլեքսիայով: Ձեր խնդիրն է հանգստացնել մարմինն ու միտքը:
Խոսեք նրանց հետ, ովքեր մոտիվացնում են Ձեզ.
«Հարաբերությունները հուզական վերականգնման ամենահզոր պոտենցիալ աղբյուրներից մեկն են» գրում են «Living at Full Power»-ի հեղինակներ Ջիմ Լաուերը և Թոնի Շվարցը: Նրանք վստահ են, որ մարդն ունակ է մարդուն էմոցիոնալ լիցք հաղորդել։ Ձեր վիճակը կարող է փոխվել Ձեզ հաճելի մարդու հետ հանգիստ հանդիպումից հետո, իսկ անծանոթ մարդկանց հետ մեծ շրջապատում լինելը, ընդհակառակը, երբեմն հոգնեցնող է։
Ֆիզիկական վարժություններ կատարեք.
«Իրականում սպորտը էներգիա է տալիս, ոչ թե խլում: Գոնե մինչև որոշակի սահմանաչափ։ Եթե լուրջ նպատակներ չդնես և չմարզվես շաբաթական 10-15 ժամ, ապա սպորտը հատուկ դիետա և հանգիստ չի պահանջի» նշում են «100% լիցքավորված» գրքի հեղինակները։ Կարող եք վարժություններ անել, յոգայով զբաղվել, պարել կամ գնալ վազքի։ Ընտրեք այն գործունեության տեսակը, որը հարմար է Ձեզ:
Կատարեք շնչառական վարժություններ.
Սթենֆորդի համալսարանի հետազոտողները կապ են հայտնաբերել շնչառության և էմոցիոնալ վիճակի միջև. որքան մակերեսային ենք մենք շնչում, այնքան բարձր է անհանգստության մակարդակը: Վեգետատիվ նյարդային համակարգը երկու մաս ունի. սիմպաթիկ նյարդային համակարգն ուժեղացնում է նյութափոխանակությունը, բարձրացնում հյուսվածքների մեծ մասի գրգռողականությունը, մոբիլիզացնում օրգանիզմի ուժերն ակտիվ գործունեության համար, իսկ պարասիմպաթիկ նյարդային համակարգը նպաստում է էներգիայի սպառված պաշարների վերականգնմանը, կարգավորում օրգանիզմի աշխատանքը քնի ընթացքում: Շունչը պահելու հետ խորը ներշնչումը ակտիվացնում է սիմպաթիկ նյարդային համակարգը, իսկ երկարատև արտաշնչումը հանգստացնում է պարասիմպաթիկ նյարդային համակարգի աշխատանքի շնորհիվ: Երբ շնչառությունը արագ է, մարմնի թուլացում գործնականում չի լինում։
Զբոսնեք նոր վայրերով.
Երբ դուք գտնվում եք նույն պայմաններում, վերարտադրվում են մտածելու և վարքի սովորական ձևերը: Միջավայրը փոխվելուն զուգահեռ ուղեղը ստեղծում է նեյրոնային կապերի նոր շարք: Պարտադիր չէ գնալ այլ քաղաքներ և երկրներ։ Զբոսնեք նոր վայրում և ուսումնասիրեք այն՝ ուշադրություն դարձնելով բոլոր մանրուքներին։
Բավականաչափ քնեք.
Իհարկե, քնի ժամանակ մարմինը վերականգնվում է, բայց մի չափազանցրեք այն: Իրականում, «հանգստյան օրերին երկար քնելու» փորձը կարող է խախտել առօրյան և վնասակար լինել։ Արթնացեք և քնեք մոտավորապես նույն ժամին, նույնիսկ հանգստյան օրերին: Եթե, այնուամենայնիվ, գիշերը լավ չեք կարողացել քնել, ապա այդ ժամերը կարող եք լրացնել ցերեկային քնով։
Սառը ցնցուղ ընդունեք.
Բեռլինի Հումբոլդտի համալսարանի մի խումբ գիտնականներ հաստատել են, որ սառը ցնցուղներն օգնում են հաղթահարել սթրեսը։ Բանն այն է, որ ցնցուղ ընդունելու ժամանակ օրգանիզմում նվազում է միզաթթվի մակարդակը, իսկ գլուտաթիոնի մակարդակը բարձրանում է (այն պատասխանատու է հակաօքսիդանտների վերականգնման համար)։
Մտածեք լավ բաների մասին.
Հոգեբանության պրոֆեսոր Քրիստին Բատչոն հաստատում է, որ նոստալգիկ հիշողությունները օգնում են նվազեցնել սթրեսի մակարդակը: Հիշելով երջանիկ պահերը՝ կարծես նորից նույն զգացմունքներն եք ապրում և Ձեր վիճակը փոխվում է:
Արեք այն, ինչը Ձեզ ամենաշատն է դուր գալիս.
Կարող եք գործողությունների ցանկ կազմել, որոնք Ձեզ հաճույք են պատճառում: Դա կարող է լինել ցանկացած բան` երաժշտություն լսել, նկարել, երգել կամ այգում կերակրել շներին:
